Ўзбекистон Республикаси
Ички Ишлар Вазирлиги

Диққат! Веб-сайт тест режимида ишламоқда.

Ҳолат юзасидан102
Ишонч телефони1102
Ўзбекистон – Россия: кейинги мустаҳкам ҳамкорлик

Ўзбекистон Республикаси Ички ишлар вазири генерал-майор Пўлат Бобожонов россиялик ҳамкасби полиция генерали Владимир Колокольцевни Ички ишлар органлари ходимлари куни билан шахсан табриклади.

Ўзбекистон Республикаси ИИВ раҳбарининг расмий ташрифи Россия ҳуқуқ идорасининг касбий байрами кунига тўғри келди. Россия Федерацияси ИИВда бўлиб ўтган музокара чоғида, генерал-майор П.Бобожонов Россия ички ишлар вазири В.Колокольцевни ва вазирликнинг барча шахсий таркибини Ички ишлар органлари ходимлари куни ва совет милицияси ташкил топганининг 100 йиллиги билан қутлади ва байрамга бағишланган тантанали тадбирга таклифи учун миннатдорчилик билдирди.
Пўлат Раззакович ўз нутқида, айнан 2017 йилда мамлакатлар ҳуқуқ тартибот идоралари ўртасида икки томонлама ўзаро ҳамкорлик янги ривожланишга туртки бўлганлигини таъкидлади.  
Трансмиллий жиноятчилик ва ноқонуний миграцияга қарши ҳаракатлар юзасидан ўзаро манфаатли ҳамкорликнинг мустаҳкамланиши ва кенгайиши 2017-2018 йилларга мўлжалланган Ўзбекистон ва Россия ички ишлар вазирликлари ўртасидаги ҳамкорлик ҳаракатлари Баёнини имзолашга асос бўлди. Эслатиб ўтамиз, ушбу ҳужжатни имзолаш жорий йилнинг май ойида В.Колокольцев бошчилигидаги Россия ИИВ делегация аъзоларининг ташрифи доирасида бўлиб ўтган. Бунда икки мамлакат вазирлиги раҳбарлари Ўзбекистон ИИВда Россия ИИВ ваколатхонасини ҳамда ноқонуний миграцияга қарши курашиш ва меҳнат миграцияси масалаларини ҳал қилиш юзасидан ўзбек-россия ишчи гуруҳини   ташкил этиш зарурлигини муҳокама қилган эдилар. 



Жорий йилнинг июль ойида Ўзбек-россия Мувофиқлаштирувчи ишчи гуруҳининг биринчи йиғилиши ўтказилди ва ҳозирда ишчи гуруҳ ўз ишини муваффақият билан амалга оширмоқда. Ўз вазифаларини бажаришга Россия ИИВ вакили А.Ростовцев ҳам киришган.
П.Бобожонов икки мамлакат вазирликлари ўртасида тўлиқ ҳажмда эришилган ўзаро ишончни сўзсиз қўллаб-қувватлашга россиялик ҳамкасбларни ишонтирган ҳолда, ҳамкорликдаги Ўзбек-россия идоралараро Мувофиқлаштирувчи ишчи гуруҳининг фаолиятини шахсан мониторинг қилишга ваъда берди.
Шунингдек, Ўзбекистон ички ишлар вазири, улар раҳбарликларидаги ташкилотларнинг жиноятчилик, айниқса, терроризм, наркотик воситаларнинг ноқонуний айланиши, одам савдоси каби трансмиллий жиноят турларига қарши биргаликда курашишни кучайтириш мақсадида, тезкор маълумотлар алмашинувини оширишга йўналтирилишини таъкидлади.
Ўзаро ишонч ва ҳамжиҳатлик руҳида ўтган мулоқот чоғида, икки мамлакат ҳуқуқ-тартибот идоралари раҳбарлари келгусидаги ҳамкорлик юзасидан бошқа масалаларни ҳам муҳокама қилдилар.

И.САЙФУТДИНОВА
 

11-11-2017 | 420
Сайт харитаси
Ўзбекистон Республикаси
Ички Ишлар Вазирлиги
Маълумотлардан фойдаланилганда mvd.uz га ҳавола кўрсатилиши шарт.
© Барча ҳуқуқлар ҳимояланган 2017
Яратувчи:

ИИВ АТА ва АҲБ

Диққат! Агар сиз матнда хатоликларни аниқласангиз, уларни белгилаб, маъмуриятни хабардор қилиш учун Ctrl+Enter тугмаларини босинг