2009 йилнинг 1-сентябрь республикамиз мустақиллигининг 18 йиллик байрами нишонланаётган кунда, мамлакатимиз пойтахти Тошкент шаҳри ўзининг 2200 йиллик байрамини нишонлаш арафасида турган бир пайтда Тошкент олий ҳарбий - техник билим юртида ўзига яраша байрам бўлиб ўтди. 

Шу куни 1-босқич курсантларини ҳарбий қасамёдга келтиришга бағишланган тантанали тадбир юқори савияда ўтказилди. 

Тадбирга Ўзбекистон Республикаси Ички ишлар Вазири генерал-лейтенант Б.А. Матлюбов ва Вазир ўринбосари полковник Ш.Т. Икрамовлар ташриф буюрдилар. Шунингдек, ушбу тадбирда Зангиота тумани хокимлиги, “Камолот” ёшлар ижтимоий харакати аъзолари ва курсантларнинг ота-оналари иштирок этишди.

Қасамёдга келтириш тадбири ниҳоясига етгач, меҳмонлар учун Ўзбекистон санъат усталари иштирокида концерт дастури намойиш этилиб, байрам дастурхони ёзилди.     

Шу куни Ички ишлар Вазирининг буйруғи билан Тошкент олий ҳарбий-техник билим юрти курсантлари орасидан аъло баҳоларга ўқиб, намунали ҳулқи, аҳлоқ-одоби билан сафдошларига ўрнак бўлиб келаётган ва жамоат ишларида фаол иштирок этаётган бир қатор курсантларга             Ички ишлар Вазири генерал-лейтенант Б.А. Матлюбов томонидан “Вазир стипендиати” фахрий ёрлиғи топширилди.

2009 йил 3-сентябрь куни билим юртида янги ўқув йилининг очилишига бағишланган тантанали митинг бўлиб ўтди. 

Митинг билим юрти бошлиғининг биринчи ўринбосари подполковник Ё.М. Сайдуллаев томонидан очилиб, унда билим юрти бошлиғининг тарбиявий ишлар бўйича ўринбосари полковник Х.М.Маматов, билим юрти профессор-ўқитувчилари ҳамда курсантлар сўзга чиқиб, йиғилганларни янги ўқув йилининг очилиши билан табриклашиб, уларга ўқишларида ва хизматларида омадлар тилашди.