Ҳафта мобайнида содир бўлган ёнғинлар бўйича маълумот
Республика Ёнғин ҳавфсизлиги Диспетчерлик хизматига 2009-йилнинг 23-мартидан 29-март кунигача ўтган бир ҳафта мобайнида 239 марта ёнғин содир бўлганлиги тўғрисида хабар тушган, шулардан 1 таси ёлғон чақириқ бўлиб, 238 тасида ёнғин содир бўлганлиги қайд этилган. Турли сабабларга кўра содир бўлган ёнғинларда 8 нафар фуқаро тан жарохати олган, 3 нафар фуқаро халок бўлган.
Ёнғин ўчирувчилар томонидан тахминан 242 млн. 662 минг 510 сўмлик қурилиш ва 208 млн. 361 минг 400 сўмлик моддий бойликлар сақланиб қолинган.
Ҳафтанинг ўзига хос ёнғинлари.
2009 йил 21 март куни Тошкент шахар, Юнусобод тумани, Шахристон кўчаси 6-уй олдида жойлашган гараж ичида турган Қашқадарё вилояти, Дехқонобод тумани, Байтқурғон қишлоғида яшовчи Ш.Зиядовга тегишли «CHEVROLET OPTRA» русумли давлат рақами 18 Р 6369 бўлган автомобилда ёнғин содир бўлган.
Ёнғин оқибатида автомобилнинг юкхонаси зарарланган.
Ёнғин - қасддан ўт қўйиш оқибатида келиб чиққан,-деб тахмин қилинмоқда.
2009 йил 30 март куни Хоразм вилояти, Гурлан тумани, «Вазир» қишлоғида яшовчи М.Матёқубовнинг уйида ёнғин содир бўлган. Ёнғин оқибатида уйнинг томи, шифт қисми ва уй жихозлари 70 м.кв. майдонида ёниб зарарланган.
Ёнғиннинг келиб чиқиши - электр симларининг қисқа туташувидан,- деб гумон қилинмоқда.
