Ҳафта мобайнида содир бўлган ёнғинлар бўйича маълумот.
Республика Ёнғин ҳавфсизлиги Диспетчерлик хизматига 2009-йилнинг 16-мартидан 22-март кунигача ўтган бир ҳафта мобайнида 193 марта ёнғин содир бўлганлиги тўғрисида хабар тушган, шулардан 4 таси ёлғон чақириқ бўлиб, 189 тасида ёнғин содир бўлганлиги қайд этилган. Турли сабабларга кўра содир бўлган ёнғинларда 14 нафар фуқаро тан жарохати олган, 2 нафар фуқаро халок бўлган.
Ёнғин учирувчилар томонидан таҳминан 328 млн. 542 минг 205 сўмлик қурилиш ва 298 млн. 666 минг 790 сўмлик моддий бойликлар сақланиб қолинган.
Ҳафтанинг ўзига хос ёнғинлари.
2009 йил 20 март куни Фарғона вилояти, Фарғона шаҳри, «Оқариқ» кўчаси, 26-уйда яшовчи Х.Обидованинг уйида ёнғин содир бўлган. Ёнғин оқибатида уйнинг 80 м.кв. майдонида том ва шифт қисми ёниб зарарланган.
Ёнғин - уй эгасининг 2003 йилда туғилган набираси - А.Абдурахмоновнинг олов билан уйнашидан келиб чиққан деб таҳмин қилинмоқда.
2009 йил 21 март куни Самарқанд вилояти, Каттақўрғон тумани, «Қўштепа» қишлоғида яшовчи С.Кувондикованинг уйида ёнғин содир бўлган. Ёнғин оқибатида уйнинг том ва шифт қисми 75 м.кв. майдони ёниб зарарланган.
Ёнғин келиб чиқишининг тахминий сабаби, электр симларининг қисқа туташувидан, деб гумон қилинмоқда.
