Якуний Давлат аттестация комиссиясининг йиғилиши
2010 йил 7 июнь куни Академия маънавият ва маърифат марказида Ўзбекистон Республикаси ИИВ Академияси кундузги таълим ва Олий академик курслар битирувчи-тингловчилари учун Якуний Давлат аттестация комиссиясининг биринчи йиғилиши бўлиб ўтди.
Якуний Давлат аттестация комиссиясининг раиси – Ички ишлар вазири ўринбосари полковник А.Ш.Мирзаев ўз сўзида Якуний Давлат аттестация комиссия аъзоларига тингловчиларнинг билим ва кўникмаларини баҳолашда холисона ёндашиш лозимлигини, битирувчиларга эса ички ишлар идоралари олдида турган долзарб ва муаммоли масалалар, шунингдек, уларнинг ечимларини Якуний Давлат аттестация имтиҳонларини топшириш жараёнида ўз жавобларида акс эттиришларини таъкидлаб ўтди.
Ўқув бўлими бошлиғи подполковник А.А.Таджиев ҳамда Олий академик курслар бошлиғи подполковник И.М. Мирзараимов битирувчи-тингловчиларининг Якуний Давлат аттестациясига тайёргарлиги тўғрисида маълумот бердилар.
Ўзбекистон Республикаси ИИВ Шахсий таркиб билан ишлаш хизматининг бўлим бошлиғи подполковник Б.Пулатов йиғилиш қатнашчиларини Ўзбекистон Республикаси ИИВнинг «Ўзбекистон Республикаси ИИВ таълим муассасаларида Якуний Давлат аттестация комиссиялари таркибини тасдиқлаш тўғрисида»ги буйруғи асосида тайёрланган ИИВ Академиясининг «ИИВ Академияси Олий академик курслари ва кундузги таълими бўйича Якуний Давлат аттестация комиссияси таркибини тасдиқлаш тўғрисида»ги буйруқлари билан таништирди.
Якуний Давлат аттестация комиссиясининг раиси – А. Ш. Мирзаев Олий академик курслар битирувчи-тингловчилари билан учрашиб, Якуний Давлат аттестацияси жараёнида тингловчилар эътибор қаратиши лозим бўлган ҳолатлар ва бугунги кунда ички ишлар идоралари соҳавий тузилма раҳбарларига қўйилаётган замонавий талаблар, раҳбар назоратида бўлиши лозим бўлган жиҳатлар ва раҳбарга хос хислатлар ҳақидаги фикр-мулоҳазаларини билдирди. Шунингдек, йиғилишда битирувчи-тингловчиларни қизиқтирган саволлар бўйича ўзаро фикр алмашилди.
Маълумот ИИВ Академиясининг сайтидан олинган. http://www.akadmvd.uz/files/news352_uz.htm